Bertso Bira zikloa 2024-11-12

Esker ona zahar-etxeetako bertso saioetan

Esker ona eta balorazio positiboa jasotzen ari ditu aurten ere zahar-etxeetan bertso saioak antolatzeko proiektuak. Donostia, Hernani, Azpeitia, Zarautz eta Mutrikun izango dira aste honetako saioak. Horrekin burutuko da 30 bertso ekitaldiko proiektua, hiru asteotan gauzatzen ari dena. Sortzen den giroa eta adinekoen arreta azpimarratu ohi dira bereziki. Lanku eta Gipuzkoako Foru Aldundiaren arteko lankidetzan garatzen den proiektua da.

Hamargarren edizioa aurten
Adin-adin proiektua zenak Bertso Bira izena hartu du aurten eta beste koska bat etorri da saio kopuruari dagokionez: Gipuzkoako 24 herrietako 30 egoitzetan izango dira saioak eta bakoitzean eskualdeko belaunaldi ezberdinetako bi bertsolari ari dira kantari: 34 bertsolari, guztira.

Aurre-lana egoitzetan bertso eta kantuekin
Saio bakoitzaren aurretik, egoitzetako animazio eta dinamizazio-langileek egoitzetako egoiliarrekin aurrel-lana egiten dute bertakoen zaletasunak ezagutzeko edo kantatzeko. Koplak egin eta saio hasieran ere denen artean kantatu izan dituzte.