Amendüzeko Eiheran, Azaroaren 30ean 2024-11-20

Baxenafarroako Kopla Txapelketa, 13 bertsolari kantuan direla

Kopla Txapelketak bere bidea egiten ari dira bertsolaritzan eta lehenengoz Baxenafarroako Kopla Txapelketa egingo dute azaroaren 30ean, Amendüzeko Eiheran, arratsaldeko 18:00etan.

Orotara, 13 bertsolari ariko dira kantuan, belaunaldi ezberdinetakoak: Battitt Crouspeyre, Bittor Thicoipe, Elixabet Etxandi, Gus Elizondo, Jean Marie Oillarburu, Mizel Mateo, Nahia Etchverry Lopepe, Oier Urreizti, Paul Moal Darrigade, Peio Minhondo, Pettan Prebende, Ramuntxo Christy eta Xan Alkhat. Gai emaile lanetan Amaia Castorene eta Xalbat Altzugarai arituko dira. Lekuan berean jatekoa eta edatekoa egonen da.


Nahia Etcheverry izango da 13 bertsolarietako bat Baxenafarroako Kopla Txapelketan.

Putzuzulo Gaztetxeko uhinak
Azken ia 20 urteotan kopla txapelketek egin dute bidea Zarauzko Putzuzulo Gaztetxean hasi zen, 2007an. Euskal Herri osoko 10 bertsolari jarri zituzten konpletan. Doinu aldetik eta eszenaratze aldetik lan handia egin zuten eta jendearen erantzuna aparta izan zen: 250-300 lagun bueltan. Su hori zabaltzen joan da eta beste zenbait herrietan ere egiten dira kopla txapelketak maiztasun jakin batekin: Durangaldean, esaterako eta Aramaion.