Lehenegoa igandean Berrizen 2024-11-28

Bertso-saio literarioak Miren Amurizaren ‘Pleibak’ nobela berriaren aurkezpenean

Miren Amurizak ‘Pleibak’ lana plazaratu du, bere bigarren nobela eta aurkezpen gisa hainbat bertso-saio literario egingo dira igandean hasita. Bi bertsolariko saioak izango dira, Miren Narbaiza Mice musikariak lagunduta. Miren Amuriza berarekin batean, kantuan izango dira Alaia Martin, Nerea Ibarzabal, Oihana Bartra, Saioa Alkaiza eta Uxue Alberdi. Lehen saioa igandean izango da, Berrizko kultur etxean. Hortik aurrera, otsailera bitarte, Iruñeko Laban, Bilboko Biran, Aiaraldea Ekintzen Faktorian eta Markinako Uhagon kulturgunean.