6.500 lagun Finalean 2024-12-14

Alaia Martin Gipuzkoako txapeldun

Alaia Martin Etxebestek irabazi du Gipuzkoako Txapela Donostian 6.500 lagunen aurrean, Beñat Gaztelumendirekin buruz burukoa jokatuta. Oiartzuarrak laugarren finala zuen gaurkoa eta Arantzazu Loidik jantzi dio txapela duela 50 urte sortutako Almen bertso eskolaren omenezko aitortzan.

Lan puntuagarriak eginda honela gelditu da sailkapena:

1- Alaia Martin Etxebeste              1.099,5
2- Beñat Gaztelumendi Arandia     1.054,5
3- Oihana Iguaran Barandiaran       637,5
4- Ane Labaka Mayoz                     626
5- Aner Peritz Euzkitze                   617
6- Nerea Elustondo Plazaola           590
7- Andoni Rekondo Izagirre            578,5
8- Eneritz Artetxe Eizagirre            574,5

Bertsolari Gaztearen Saria Aner Euzkitzen irabazi du eta Patxi Goikoleak eman dio saria, haurren bertso eskolen sortzaile izandakoak duela 50 urte.



Iker Iriarte Iribar eta Ane Ezenarro Beristain aritu dira aurkezle lanetan. Epaitzen, aldiz: Bakarne Urreaga Etxeberria, Eneritz Azkue Basurko, Iñigo Legorburu Arregi, Karlos Ibarguren Olalde, Leire Beloki Lizarralde eta Oihana Aranguren Etxaniz. Idazkaria Aratz Irazustabarrena Garmendia.