Gaur, Bilbon, Bidebarrieta liburutegian 2025-01-14

Bertsoak matematikari gazteen kongresuan

Gaur Bilbon matematikari gazteen kongresua bertso plaza bihurtuko da, lehenengoz. Espainiako Estatu mailako kongresua da, bi urtez behin egiten dena, eta aurten Leioan egiten ari dira. Matematikariek eta bertsolariek oholtza partekatuko dute dibulgazio alorrean.

Publikoarentzat irekia, Bilbon, Bidebarrieta liburutegian, 19:00etan
Nerea Ibarzabal eta Maialen Lujanbio ariko dira kantari, Jone Uriak gaiak jarrita. Leire Vargasek egingo ditu aldibereko itzulpen lanak. Jone Uria Bertsoa.eus-i azaldu dionez, formatu aldetik Bertsozientziaren antzekoa izango da. Matematikari dibulgatzaileek bere aurkezpenak egingo dituzte eta Jone Uriak gaia formulatuko die bertsolariei. Saioa internetez zuzenean jarraitu ahal izango da, Bidebarrietako youtubeko kanalean.

Bertsoak zientziaren dibulgazioan pisua hartu du azken urteetan. Pedro Miguel Etxenike fisikaria izan zen lan horretan aitzindaritetako bat, fisikako dibulgazioa eta bertsoak uztartuz, Nobel saridunak tartean zirela. Urtero antolatzen da saio hau. Bertsozientzia formatua etorri zen ondoren eta urtean zehar zenbait saio egiten dira. Matematikarien lekukoari heldu diote eta hitzordu berezia antolatu dute biharko. Bilbon, Bidebarrieta liburutegian da hitzordua, 19:00etan.