Bertso agenda 2025-01-16

Lau jaialdi eta lagunarteko saioak asteburuan

Urtarrileko bertso agenda 12 bertso saio inguru dakartza asteburu honetan. Lagunartekoak gehienak eta sona handiko lau bertso jaialdi.

Lagunarteko eta libreko saio gehienak txotx denboraldiari edo Getariko txakolinaren denboraldi irekierari lotutakoak dira. Zerainen, Asteasun, Irunen, Andoainen eta Getarian izango dira motibo horien inguruko saioak.

Ohiko bertso-bazkari edo afariak ere izango dira Urruñan, Gernika-Lumon, Markina-Xemeneingo Bariñaga auzoan.

Jaialdien atalean, Tolosan, Zeanurin, Mungian eta Getarian izango dira. Tolosako Atariako jaialdia urteko jendetsuenetako bat izan da, Leidor antzokian 800 lagun inguru biltzen dituena.

Agenda xehea, hemen, Xenpelar Dokumentazio Zentroan.