Arabako bertso kuadrilla artekoa 2025-01-23

Lehenengoz Arabako eskualde guztietara iritsiko da Kuadrilla artekoa

Aurkezpeneko hitzak eta parte hartzaileen lekukotzak dakartza Bertsoa.eus-ek. Egoitz Iradier Arabako Bertsozale Elkarteko ordezkaria eta hainbat taldetako ordezkariak, antolakuntzan ere ardura dutenak: Gerezti Unanue, Aitor Najera, Oihane Perea eta Hegoi Amabizka.

Jexux Mari Irazu

Arabar Errioxan eman dio hasiera Arabako Kuadrilla artekoak, lehenengo bertso egunarekin. Zortzigarrene edizioa da aurtengoa eta lehenengoz Arabako eskualde guztietara iritsiko da. Formatua ere bikoitza du aurtengoak. Orain artean lehia formatuan edo lehia gabe egin izan da eta aurten biak uztartu dira, bi faseetan. Lehen fasea lehiaz kanpokoa izango da eta bigarrena sailkapenerako baliagarria. Honen guztiaren berri eman zuten aurkezpenean. Gerezti Unanue, Aitor Najera eta Egoitz Iradier aritu ziren bozelaramaile lanetan. Taldeetako ordezkariak eta Arabako Bertsozale Elkarteko ordezkaria, hurrenez hurren.