Bertso Eguna 2025 lesakan 2025-01-27

Oinak bidean, Lesakako bertsolaritzaren historian barrena

Bertso Eguna goizean goiz hasi zuten batzuk Lesakan, eguraldi bihurriari aurre eginez. Oinak bidean bertsolaritza ibilbidea egin zuten bost kilometro pasan. Lesakako bertsolaritzaren historian mugarriak izan diren bertsolariak, guneak eta kontakizunak biltzen ditu ibilbideak. Lekukotza hori Eneko Fernandez, Jon Abril, Manolo Arozena eta beste zenbaitzuren ahotik entzuteko parada izan zuten Bertso Eguna goizetik hasi zutenek.