Santa Ageda koplak 2025-02-03

Mutrikun lau talde Santa Eskean, egun osoan

Bederatzi koplari ibili ziren lau taldetan banatuta. Bertso Eskolak bideratzen du ekitaldia eta herriko gaztetxean biltzen dira lau taldeak bazkaldu eta afaltzeko.

Mutrikuko Santa Eskea berezia da duen dimentsioa eta mugitzen duen jendetzagatik. Bertso Eskolak bideratzen du usadioa eta aspaldiko urteetan gaztetxea da bilgune nagusia. Lau talde aritzen dira herriko kale eta auzoetan barrena. Goizean, herriko plazan egiten dute lehen ekinaldia talde guztiak batera, auzoetarako bidea hartu aurretik.

Bederatzi koplari aritu ziren lau taldetan banatuta, soinu-joleek lagunduta. Iñigo Arrizabalaga eta Imanol Lekunberri ibili ziren koplari lanetan, herriko kaleetan zehar. Malen Aldalur, Peru Vidal dabiltza eta Udane Mugerza, Olatz eta Ibiri bailaretan. Alex Idoeta eta Orlando Arreitunandia Astigarrabia, Olabarrieta eta Laranga bailaretan. Azkenik, Iñaki Apalategi eta Xabier Astigarraga Galdua eta Mijoa bailaretan.

Goizeko lanak eginda, lau taldeak gaztetxean biltzen dira elkarrekin bazkaltzeko. Eta gauean berdin. Lanak amaitzean, gaztetxean afaria. Urtero motibo jakin baten alde eskatzen da dirua eta aurten Erraldoi eta Buruhandien konpartsaren alde eskatu dute.

Hona hemen zenbait argazki, inguru ezberdinen erakusgarri.

Santa eskean herriko plazan.

Santa eskean kalean, merkataritza guneetan.