Bertsoaroa - bertsolari gazteen bertso trama 2025-02-05

Euskal Herria Aberastegiren atzaparretatik salbatzen Iruñean

Bertsoaroako bertsolari gazteen jaialdiak bertso trama formatua hartu du aurten, Iratxe Legarrak gidatuta. Aberastegi jaunak Euskal Herria osorik erostear du eta sei bertsolariak dira azken esperantza. Hari hori tiraka jarri zituen lanean Legarrak sei bertsolariak: Haira Aizpurua, Araitz Katarain, Kattalin Lizarraga, Aitor Ugarte, Eki Mateorena eta Kattin Madariaga. Bakoitzari nortasun eta jokamolde ezaugarri jakinak eman zizkien eta hortik aritu ziren kantuan. Ordu eta erdi pasako lana egin zuten eta publikaok arretaz jarraitu zuen trama, Kondestableko giro goxoan. Bertsoa.eus-en ere Iruñean izan zen eta datorren astean jarriko du bertso tramaren aukeraketa zabala.