Finala Leitzan, martxoaren 14an 2025-02-17

Joanes Illarregi irabazle Aranoko kanporaketan eta Maddalen Arzallus bigarren

Mingañe Saltsan bertso afari sariketako lehenengo kanporaketa jokatu zen ostiralean Aranon. Maddalen Arzallus, Iñigo Gorostarzu, Andoni Rekondo eta Joanes Ilarregi aritu ziren kantuan, Maider Ansak gaiak jarrita. Berez, Irantzu Idoate zen kantatzekoa baina, baina azken uneko ezinagatik Andoni Rekondok kantatu zuen. Joanes Illarregi irabazi zuen kanporaketa. Maddalen Arzallus gelditu zen bigarren eta Andoni Rekondo hirugarren. Joanes Illarregik ezin izango du finalean kantatu. Beraz, Aranoko kanporaketatik, Maddalen Arzallus eta Andoni Rekondo ariko dira Leitzan, martxoaren 14an.



Ostiral honetan Areson izango da bigarren kanporaketa: Idoia Granizo, Unai Mendizabal, Maider Arregi eta Julio Soto ariko dira kantuan. Hirugarren kanporaketa Errazkinen izango da otsailaren 28an eta finala martxoaren 14an Leitzan.