Mizel Mateo Sallaberri - Bertsolari bertsozale podkasta 2025-02-21

«Ni bertsoari lotu banaiz lagunei esker izan da»

Mizel Mateo Sallaberri (Bidarrai, 1988) dugu aste honetako gonbidatua Bertsolari Bertsozale podkastean. Inguruak bertsozaletu zuen Mizel eta gogoan du Ernest Alkhat ikastolara etorri zenekoa. Handik gutxira bertso eskolan hasi zen. Hamar urteko etenaren ondotik berriz ere bertsoari lotu zitzaion Mizel Mateo, laguntasunari esker berak aitortu duenez. Ez da ziur Xilaban aterako den baina ateratzekotan ondo prestatuta joan nahi luke. Irisarriko bertso eskolaren ardura darama eta berak jaso zuen laguntasun giroa transmititzen ahalegintzen da bertsoarekin batean. Entzun bere lekukotza.