Finala apirilaren 5ean Gasteizen 2025-02-25

Arabako Kuadrillarteko finalaurrekoak hasiko dira ostiralean Narbaizan

Arabako bertso Kuadrillartekoa lehia fasean sartuko da ostiralean, 14 bertso eguneko lehen girotze fasea osatuta. Denera 14 talde ariko dira kantuan eta lau sailkatuko dira finalerako. Lau finalaurreko jokatuko dira Narbaizan, Aramaion, Amurrion eta Gillernan. Finala Gasteizen izango da eta egun osoko ekitaldia izango da.

'Ganbarakoak', '4 gara' eta 'Bañera F.T' taldeak, afalondoko formatuan.
Lehen kanporaketa honetan hiru talde ariko dira kantuan: 'Ganbarakoak', '4 gara' eta 'Bañera F.T' taldeak. Narbaizako Elkartean izango da afaria eta ondorenean izango da saioa.

Finalaurrekoetan hiru eta lauko saioak izango dira eta lau talde pasako dira finalera.