Bizkaiko Bertsozale Elkartearen eskutik 2025-02-27

100 gaztetik gora Bizkaian Neguko Bertso Barnetegian

Jexux Mari Irazu

Bizkaiko Bertsozale Elkartearen eskutik Neguko Bertso Barnetegia egin berri dute joan den asteburuan Gautegiz-Arteagako Baratze Baserri Eskolan. DBH1etik Batxilergoko bigarren mailara arteko Bizkaiko bertsolari gazteak batu dira bertan. Helburu nagusiak bertsoarekin gozatzeko aukera izateaz gain, Bizkaiko bertso eskoletan dabiltzan gazteek elkar ezagutzea eta beraien arteko harreman sarea sendotzea dira.

Aurtengo deialdiak ere harrera ederra izan du eta 111 gazte batu ziren asteburu pasa. Hainbat ekintzen artean, bertso saioa ere izan zuten bertan. Aissa Intxausti eta Unai Iturriaga aritu ziren kantuan bertsolari gazteek jarritako gaiakin, besteak beste.







Hemen Bizkaiko Elkarteak Neguko Bertso Barnetegian inguruan sarean zabaldu duen argazki muntaia.