Errazkinen jokatu zen azken kanporaketa 2025-03-03

Jon Maia eta Oihana Iguaran ere Mingañe Saltsan sariketako finalera

Mingañe Saltsan sariketako azken kanporaketa jokatu zen ostiralean Errazkinen. Eli Pagola, Jon Maia, Oihana Iguaran eta Kerman Diaz aritu ziren kantuan. Jon Maiak irabazi zuen kanporaketa eta Oihana Iguaran gelditu zen bigarren. Biek eskuratu zuten Leitzan martxoaren 14an jokatuko den finalerako txartela. 

Dagoeneko kanporaketa fasea amaitu da baina, agenda arazoak medio, finalean ez dira txartela irabazi duten sei bertsolariak izango. Antolakuntzak argituko du seikotea.