Leitzan jokatu zen finala 2025-03-17

Jon Maia III. Mingañe Saltsan sariketako irabazle

Jon Maiak jantzi du III. Mingañe Saltsan sariketako atorra. Ostiralean jokatu zen finala Leitzan, sei bertsolari kantuan zirela: Andoni Rekondo, Eli Pagola, Jon Maia, Maider Arregi, Oihana Iguaran eta Unai Mendizabal. Gai-jartzaile lanetan, Maddi Saralegi eta Maddi Zugarramurdi aritu ziren.

Lehen faseko lan puntuagarriak eginda, Oihana Iguaran eta Jon Maia sailkatu ziren buruz-bururako. Seiko motzean eta puntuka aritu ziren bost minutuz azken txanpan eta epaimahiak Jon Maia jo zuen irabazle.