Finalerdiak martxoaren 27an eta apirilaren 10ean 2025-03-24

Aitor Tatiegi-Suhar Gesalaga eta Gorka Pagonabarraga-Ekhi Zuluaga irabazle asteburuko bi kanporaketetan

Gaztetxeak Bertsotan sariketako azken kanporaketak jokatu dira asteburuan. Ostiralean, Gorka Pagonabarraga eta Ekhi Zuluaga hautatu zituen publikoak. Larunbatean, Altsasun, Aitor Tatiegi eta Suhar Gesalaga.



Lehen fasea amaituta, honako lau bikote hauek dira finalerdietara zuzenean sailkatu direnak, publikoaren botoz: Maddi Aiestaran eta June Aiestaran; Unax Aizpurua eta Aroa Arrizubieta; Ekhi Zuluaga eta Gorka Pagonabarraga; Aitor Tatiegi eta Suhar Gesalaga. Beste bi bikote izango dira finalaurrekoetan.

Bilbon eta Gasteizen finalaurrekoak
Finalerdietan data aldaketa bat egon da eta lehenbizikoa ostegun honetan izango da Bilbon, Zazpikatu Gaztetxean. Bigarrena, apirilaren 10ean, Gasteizko Gaztetxean.