Bilbon eta Gasteizen finalerdiak 2025-03-25

Gaztetxeak Bertsotan sariketako finalerdietako sei bikoteak erabakita

Mirari Martiarena

Gaztetxeak Bertsotan sariketako finalerdietan kantatuko duten sei bikoteen izenak zabaldu ditu antolakuntza: Maddi Aiestaran eta June Aiestaran; Aroa Arrizubieta eta Unax Aizpurua;
Gorka Pagonabarraga eta Ekhi Zuluaga; Aitor Tatiegi eta Suhar Gesalaga; Kattin Madariaga eta Enara Gallastegi; eta Ander Sarriugarte eta Naroa Jaio. Lehenbiziko lau bikoteek beren kanporaketan eskuratu zuten finalerako txartela publikoak hala erabakita. Azken biek, errepeskaz.

Bi finalaurrekoak Bilbon eta Gasteizen jokatuko dira. Aste honetan Bilbokoa, Zazpikatu Gaztetxean. Oraindik ez da orduaren berririk zabaldu. Bigarrena, apirilaren 12an Gasteizko Gaztetxean.

Finalaren berri aurrerago emango duela iragarri du antolakuntzak.