emanaldi berria - Apirilaren 6an elizondon, Lankuren eskutik 2025-03-26

Norbere mundu intimo: bakarrizketak eta bertsoak Stand-up librean

Jexux Mari Irazu

Mirari Martiarenak bertsoa eta bakarrizketak uztartuko dituen emanaldi berezia landu du, aldiro bertsolari desberdin bat txandakatuko duena. Maialen Lujanbiok 2013ko finalean plazaratu zuen Norbere mundu intimo bertso doinu izena jarri dio ikuskizunari. Apirilaren 6an izango da estreinaldia Elizondon. Julio Soto ariko da bertsotan. Mirarik bakarrizketak egingo ditu gai desberdinen inguruan, baina bertsolaritzarekin izango dute lotura. Eta bertsolariari heldulekua edo gaia jarriko dio kantatzeko. Izan galdera desberdinak, bakarkako gairen bat edo ofizioka.

Bakarrizketak bertso logikan egiten dituen umoregilea
«Bertsolari frustratu izatearen albo-kalteek eraman dute Mirari Martiarena umoregintzara». Hala dio oiartzuarrak emanaldi berriaren oharrean. Eskolartekotik hasita, urte asko egin ditu Mirari Martiarenak bertsotan plaza modu desberdinetan eta baita txapelketan ere. Bakarrizketak bertsotan egiten zuen postura berean egiten dituela dio eta umoregintzak itzularazi duela bertso mundura. 

Mararik bertsolariekin banaka hitz egin nahi du bizitzako momentu intimoetan bertsoak izan dezakeen lekuari buruz. Bertsolaria bertsotan, bakarrizketalaria bakarrizketak egiten. Buruz-buru baina, ofizioka. Stand-up librean.