Larunbatean 21:00etan ETB1en 2025-03-27

Hondarribia eta Lekeitioko bertsoak Hitzetik Hortzeran

Mirari Martiarena

Bizkaiko eta Gipuzkoako kostako herrietan izango da aste honetan Hitzetik Hortzera. Erreka haizea izenburuko bertso-saio literarioa egin zen Lekeition. Sonia Gonzalez idazlearen esanetara aritu ziren bertsotan Ane Labaka eta Aissa Intxausti bertsolariak.



Hondarribian berriz, bertso mendaria antolatu zuen Jaizkibel Konpainiak. Maialen Lujanbio eta Aner Euzkitze aritu ziren bertsotan, librean zein Ainhoa Aranburuk gidatutako gaiekin.

Bertsolaritza eta adimen artifiziala gogoeta gai
Adimen artifizialari buruz geroz eta gehiago hitz egiten den garai honetan, Hitzetik Hortzeran ere gaiari heldu nahi izan diote. Elhuyar Zientzia Fundazioaren egoitzara egingo du bisita Mirari Martiarenak eta bertan elkartuko da Jon Abril Elhuyarko Koordinatzaile Nagusiarekin eta Aitzol Astigarraga ORAI-ko koordinatzailearekin. Adimen artifizialaren aukerei buruz arituko dira, baita adimen artifizialak euskaraz jakitearen garrantziaz ere.



Bertsolaritzan eman ditzakeen aukerei buruz ere arituko dira. Besteak beste bertsogintzaren gizarteratzea, zabaltzea eta transmisioa izango dituzte hizketagai Jon Abrilek eta Aitzol Astigarragak. Baita, Bertsozale Elkarteak eta Elhuyarrek martxan duten elkarlanari buruz ere. Adimen artifizialaren aurrean sor daitezkeen abaguneen aurrean elkarlanean aritzeko.

Bertsoa eta txapelketei buruz ere hitz egingo dute. Izan ere, epaile lanetan aritutakoak dira bai Astigarraga eta baita Abril ere. Eta gaur gaurkoz ezinezkoa ikusten dute adimen artifizialak bertsolari bati bertsotan irabaztea, ezta epaile lanak ongi egitea ere.