Finala maiatzaren 31n Iurretan 2025-04-01

Bizkaiko Eskolartekoa abian da eta Kelmene Abaitua lehenengo finalista

Bizkaiko Eskolartekoa atzo abiatu zen Galdakaon lehenengo kanporaketa jokatuta. Sei bertsolari gazte aritu ziren kantuan: Amaiur Betanzos, Beñat Enbeita, Irati Gallastegi, Kelmene Abaitua, Oier Zugadi eta Unai Adana, Peru Vidalek aurkeztuta. Lan puntuagarriak eginda, Kelmene Abaitua lortu zitue puntu gehien eta egungo txapelduna eskuratu du finalera zuzenean sailkatzeko lehenengo txartela.

Epaile lanetan, Beñat Romero, Garazi Mendoza eta Juanjo Respaldiza aritu ziren. Idazkari, Ander Elortegi.

Beste hiru kanporaketa
Bizkaiko Eskolarteko Txapelketako beste hiru kanporaketa jokatuko dira datozen egunotan eta bihar izango du hurrengo hitzordua Gordexolan. Ondorengoak dira hurrengo hiru kanporaketak:

    Apirilak 2, 17:00etan, Gordexolan, Kultur Etxean.
    Apirilak 7, 17:00etan, Igorren, Lasarte Aretoan.
    Apirilak 9, 17:00etan, Durangon, Kurutziaga Ikastolan.

Kanporaketa bakoitzeko irabazlea zuzenean sailkatuko da finalera eta gainontzeko lau bertsolariak puntuazioaren arabera. Finala maiatzaren 31n jokatuko da Iurretako frontoian. Goizeko 10:00etan nagusien eskolarteko idatzizko finala izango da eta ostean, 11:30ean, bat-batekoa.