Larunbatean 21:00etan ETB1en 2025-04-03

Iruñeko eta Oiartzungo bertsoak Hitzetik Hortzeran

Iruñeko Zabalgune auzoan bertso afaria eta Oiartzungo bertso saio literario bateko bertsoak dakartza aste honetako Hitzetik Hortzerak. Iruñean Sustrai Colina eta Saioa Alkaiza aritu ziren bertsotan, Garazi San Martinek gaiak jarrita



Oiartzunen berriz, PUF bertso-saio musikatua egin zen Literaturan plaz(a/e)ra ekimenaren baitan. Alaia Martin, Amets Arzallus eta Miren Artetxe aritu ziren bertsotan, Ainhoa Urienek gaiak jarrita. Bastien Marianne eta Patxi Amuletek jarri zuten musika.

Hitz esana edo spoken word emanaldiak
Anitza da hitzaren inguruko emanaldien izaera. Horietako bat da Hitz esanarena, ingelerazko spoken word adieratik datorrena. Genero hori lantzen du Mejillon Tigre kolektiboak amaitzera doan proiektuan. Mirari Martiarenak Eidera Adeletx eta Ane Zubeldia poesiazaleak, poetak eta Mejillon Tigre kolektiboko kideak dira. 2022an Hitz Hibridoak bekari esker sortu zuten Hitz esana poesia errezitaldia eta hiru urteko ibilbidearen ondoren, maiatzean amaituko dute bira. Hitz esanaren ibilbideari buruz hitz egiteko elkartuko dira aste honetako gonbidatuak Mirari Martiarenarekin.



Hitz esana emanaldia definitzeko kontzeptu desberdinak erabili diren arren, spoken word-a da egiten dutena Eider Adeletx eta Ane Zubeldiak. Zuzenean emateko egina den poesia molde honetan eroso sentitu, eta egin nahi zuten hori nola lortu duten kontatuko dute aste honetako programan. Poemak sortzeko prozesua, zeri buruz idatzi, nola gorpuztu eta oholtzaratu ere izango dituzte hizketagai.

Spoken word-ak edo Hitz esanak bertsolaritzarekin dituen antzekotasunei buruz ere arituko dira. Mejillon Tigreren emanaldi batean inprobisazioak duen tokiaz eta behin bira amaitua hartuko duten bideaz edo egin nahiko luketenaz.


Hitzetik Hortzera, larunbatean 21:00etan ETB1en.