Gaur Matalazen 19:00etan 2025-04-03

Bertxhoriko finala gaur Iruñean: bertsoa osteguneko plana

Jexux Mari Irazu

Bertsoa unibertsitateko ikasle giroan txertatzea lortu duen Bertxhori sariketako finala jokatuko da gaur Iruñean. Binakako sariketa da eta hiru bikote ariko dira; kanporaketa bakoitzeko irabazleak: Itziar Mitxelena eta Ixone Asategi; Eki Mateorena eta Haize Lekuona; Mikel Etxezarreta eta Hegoi Amabizka. Gai-jartzen, Patxi Bueno eta Iratxe Legarra.
Matalazen da hitzordua 19:00etan ondorenean afaria izango da jaiari jarraipena emateko. 

Unibertsitate Publiko Euskara Taldetik sortu zen Bertxhori. Lehenik ikasleentzako bertso eskola sortu zuten eta haren jarraipena izan zen binakako sariketa jolastia. Hirugarren edizio honek ere harrera beroa izan du eta ostatuak bertsozale gaztez bete dira Iruñean. Gaur izango du Bertxhorik aurtengo azken hegaldia.