Osinalde Elkartean afalondoan 2025-04-22

53. Osinalde Sariko finala larunbatean Gabirian

53. Osinalde Sariko finala jokatuko da larunbat honetan Gabirian, Osinalde Elkartean. 18 bertsolari gazte izan dira aurten ere kantuan, gehienak berriak. Hiru kanporaketa jokatuta, bakoitzean gailendu diren biek osatu dute finaleko seikotea. Larunbatean honako sei bertsolari gazteak ariko dira kantuan: Haira Aizpurua, Libe Goenaga, Iruri Altzerreka, Eki Mateorena, June Aiestaran eta Aitor Tatiegi. 

Seitik lau finalista berriak
Aurtengo Osinaldeko ezaugarrietako bertsolari berrien presentzia handia izan da eta horrek finalean ere izan du bere isla: seitik lau berriak izango dira Gabiriko hitzorduan: Haira Aizpurua, Libe Goenaga, June Aiestaran eta Iruri Altzerreka. Aitor Tatiegi eta Eki Mateorena iazko finalean izan ziren. Tatiegik bigarren egin zuen.