Larunbatean jokatu zen Gabirian 2025-04-28

Aitor Tatiegik irabazi du 53. Osinalde Saria

Jexux Mari Irazu

Aitor Tatiegi bertsolari oñatiarrak irabazi du 53. Osinalde Saria. Larunbatean jokatu zen finala Gabirian, Osinalde Elkartean, 160 lagun inguru bilduta. Haira Aizpurua saratarrak jaso ditu publikoaren saria eta bertso onenaren saria, bere lehenengo parte hartzean. 

Aurrez hiru kanporaketa jokatuta, honako sei bertsolariak aritu ziren kantuan: Aitor Tatiegi, Haira Aizpurua, June Aiestaran, Eki Mateorena, Iruri Altzerreka eta Libe Goenaga, Ane Etxezarretak aurkeztuta. Epaile lanetan aritu zirenak: Oihana Aranguren, Xabier Iriondo, Eresti Oiarbide, Asier Ibaibarriaga eta Eneko Araiztegi Korta.

Beste behin Osinalde Elkartea bete bertsozale bildu ziren bertso gosez. Ariketa aldetik, agurren ondoren, bina punturi erantzunez hasi zuten bertsolariek saioa. Zortziko handian eta txikian ondoren eta bakarka. Hor atsedena izaten da eta ganbara gero, binaka. Lehenik Hitz bana emanda 10 txikian bertso bat eta ofiziotan gero, hamarreko txikian. Azkenik, kopletan hirunaka, trikitilarien laguntzaz.


Aitor Tatiegik hirugarren parte hartzea zuen aurtengoa eta iaz bigarren egin zuen.