Aitor Tatiegi Loidi - Osinaldeko Irabazlea 2025-04-29

«Bertsoarekin hainbeste disfrutatzen duten lekuetan gutxitan tokatzen zaigu kantuan ibiltzea eta horregatik da niretzat polita plaza hau»

Aitor Tatiegik gogoz joan zen Osinaldeko bere azken finalera eta irabazleen zerrenda luzean sartuta itzuli zen etxera. Oro har, final ona joan zela iritzi zion bukaeran eta zenbait ariketetan bertsolariek lortu zutela goia jotzea. Osinaldeko publikoak bertsoarekiko duen lotura nabarmendu zuen. Bertsoa horrela estimatzen den tokietan kantatzeko aukerak ez dituela hainbeste izaten eta eskertu zuen Gabiriako gaua.