Bertsoak Euskaraldian 2025-05-07

30 bertso ekitaldi inguru Euskaraldiaren harira

Jexux Mari Irazu

Datorren astean astean hasiko da Euskaraldiaren edizio berria eta horren harira 30 bertso ekitaldi inguru izango dira Euskal Herri zabalean. Dagoeneko zenbait saio egin ere egin dira girotze ekitaldien baitan eta asteburu honetan beste izango dira Ibarran, Antsoainen, Zurbaon eta Arratzuan.

Datorren astetik aurrera izango dira gehienak: Ortuellan, Donezteben, Santurtzin, Tafallan, Gallartan, Arberoan, Abanton, Andoainen, Oñatin, Urduñan, Murgian, Noainen, Olaberrin, Ziortza-Bolibarren, Zornotzan, Laudion, Uharten, Murgian, Berangon, Iruñean, Seguran, Hernanin, Oionen, Altsasun eta Mallabian izango dira bertsoak Euskaraldiaren harira.

Formatu aniztasuna eta lagunartekoak bereziki
Euskaraldiak hainbat formatuko bertso ekitaldiak bilduko ditu datozen asteetan. Librekoak eta lagunartekoak izango dira gehienak eta tartean libreko saio berezi bat, Itsu Koplak: euskara hurbildu diren edo hurbildu nahi dutenei begira planteatutako saioa. Badira berezi gehiago ere: Hernanin Ezer ez ta bertso festa Podcast & bertso saioa egingo da. Oñatin Hika saioa.

Horrez gain, bertso-poteoak, bertso-afariak, ohiko libreko saioak, bertso-klownak eta Itzal(iko) bagina emanaldi berezia.