10:00etan idatzizkoa eta 11:30etan bat-batekoa 2025-05-26

Bizkaiko Eskolarteko finala larunbatean Iurretan

Arabakoaren ondotik, Bizkaiko Eskolarteko finala jokatuko da larunbatean Iurretan. Ohi bezala, hitzordu bikoitza izango da. 10:00etan idatzikoa eta 11:30etan bat-batekoa. Aurrez kanporaketak jokatuta, honako zortzi bertsolariok ariko dira kantuan:  Kelmene Abaitua (Berriz, egungo txapelduna), Enara Gallastegi (Dima), Iradi Barrenetxea (Artea), Aiala Irurtia (Arantzazu), Naroa Iturrioz (Zornotza), Jon Abasolo (Munitibar), Maddi Aurtenetxea (Zornotza) eta Ekhi Zuluaga (Igorre, egungo txapeldunordea).

Gipuzkoa, Nafarroa eta Arabako ordazkariak erabakita
Euskal Herriko Eskolarteko finala ari da pixkana osatzen. Gipuzkoa, Nafarroa eta Arabako finalak jokatu dira eta hiru herrialdeotako ordezkariak erabakita daude. Gipuzkoatik Egiar Otegi eta Suhar Gesalaga ariko dira; Nafarroatik, Kattin Madariaga eta Kattalin Lizarralde; Arabatik, Jokin Onaindia eta June Astegieta. Finala ekainaren 14an izango da Arantzan, arratsaldez.