Legorretan estreinaldia igandean 2025-05-28

Garbitzailearena: haurrentzako bertso ikuskizun berria Lankuren eskutik

Haurrentzako bertso eskaintza bertsoa eta beste osagarriren batekin doa gehienean, haurren arreta biltzeko: antzerkia, ipuina, kaleko jolasa... Aspaldiko haria da eta Inaxito proiektuak (Gorka Tolosa, Xabier Sukia eta Ibai Esoain) mugarri bat ezarri zuen. Gaur egunean zenbait emanaldi baditu Lankuk: Alpistegia, Urpekariak, Bertso jasa... Bertsoa bestela iritsiko ez litzateen eremuetan kokatzeko aukera ematen dute.

Bide horretan, ikuskizun berria estreinatuko da igandean Legorretan: Garbitzailearena, Markel Oiartzabalek eta bi bertsolarik eskainiko duten kaleko ikuskizuna: jostaria, umoretik eta jolasetik izango du bereziki Lankuk adierazi duenez. Antzerkia eta bertsoa bilduko ditu. Markel Oiartzabal hernaniarrak txikitatik omen zeukan pailazo bat buruan, izen eta itxurarik gabe, baina soinean zeraman ia konturatu ere egin gabe.

Lehen emanaldiak
Ekainak 1. Legorreta. Plazan. 13:00. Bertsolaginak Iker Ormazabal Tturko eta June Aiestaran
Ekainak 7. Beruete. Plazan. 18:00. Bertsolagunak Kattalin Lizarralde eta Iker Ormazabal Tturko
Ekainak 23. Andoain. Leizaur parkean. 17:00. Bertsolagunak Eli Pagola eta Iker Ormazabal Tturko