Zaldiko Maldiko elkartean bazkalostean 2025-05-28

Señora Sariketako finala larunbatean Iruñean

Larunbatean jokatuko da V. Señora Sariketako finala Iruñean, Zaldiko Maldiko Elkartean. Bazkaritako txartelak jarri bezain azkar agortu ziren. Bi kanporaketetako bikote irabazleak eta ohorezko bikote gonbidatuak osatuko dute kartela: Amaia Elizagoien eta Malen Altzuart, Eskoriatzako kanporaketa irabazita; Irati Tolosa eta Joane Aldalur Iurretako kanporaketa irabazita; eta ohorezko gonbidatu gisa Rosi Lazkano eta Kristina Mardaras. Aizpea Garmendia ariko da gai-jartzen.


Irati Tolosa eta Joana Aldalur, Iurretako kanporaketan.


Amaia Elizagoien eta Malen Altzuart, Eskoriatzako kanporaketan.

Bertsolaritza utzita eta plazan ez dabiltzanen edizioa
V. Señora Sariketaren planteamendua berezia izan da aurreko lauekin alderatuta. Parte hartzea bikoteka izan da, eta bertsolariza utzi edo plazan ez dabiltzenak aritu dira bertsotan. Saioak bertso bazkari formatuan egin dira, elkarteetan. Bai Eskoriatzan eta bai Iurretan elkarteak bete egin dira eta 100 lagun bueltako aforoa izan da.