Gazte Xilaba jokatzean erabakiko dira finalista guztiak 2025-06-02

Euskal Herriko Eskolarteko finala osatzen

Jexux Mari Irazu

Euskal Herriko Eskolarteko finala ari da osatzen, Gipuzkoa, Nafarroa, Arabako eta Bizkaiko finalak jokatuta. Herrialde bakoitzetik txapelduna eta txapeldunordea sailkatzen dira Euskal Herrikorako. Dagoeneko zortzi bertsolari daude erabakita: Gipuzkoatik Egiar Otegi eta Suhar Gesalaga; Nafarroatik, Kattin Madariaga eta Kattalin Lizarralde; Arabatik, Jokin Onaindia eta June Astegieta; eta Bizkaiatik Enara Gallastegi eta Ekhi Zuluaga. 

Berri asko finalean
Eskolarteko finalak aurpegi berri dezente izango ditu aurtengoan. Dagoeneko sailkatu diren zortzitik bost berriak dira: bi gipuzkoarrak, bi arabarrak eta Bizkaiko txapelduna. Errepikatuko dutenak, bi nafarrak eta Bizkaiko txapeldunordeak. 

Iparraldeko finala larunbatean Itsasun
Sei bertsolari ariko dira kantuan larunbatean Gazte Xilaban: Amaiur Aizpurua Eskisabel, Goizane Etcheverry Lopepe, Naia Etcheverry Lopepe, Unax Aizpurua Ibargarai, Leina Alkhat Larrandaburu, Gana Berhokoirigoin Zubeldia. Ekainaren 7an izango da hitzordua, goizeko 10:00etan. Bi lapurtar, hiru baxenafartar eta xiberotar bat ariko dira kantuan. Herrialde bakoitzari bi ordezkari dagozkio eta beraz, Baxe Nafarroako ordezkaritza legoke erabakitzeko finalaren baitan.