Bertso Agenda 2025-06-03

25 bertso ekitaldi igandera bitartean

Ekaineko bigarren asteburuak 25 bertso ekitalditik gora dakartza. Hainbat jaialdi izango dira han eta hemen motibo desberdinekin. Ostiralean, Donostian, Donibane Lohitzunen eta Itsasondon izango dira jaialdiak. Larunbatean Bilbon, eta igandean Altzan (Donostia), Zamudion eta Tolosan. Zamudioko jaialdia Ez da kasuatitatea formatuan izango da.

Sariketek ere badute beren presentzia asteburu honetan. Itsasun, Eskolartekoa, Gazte Xilabako finala larunbatean eta Ajangizen Argi Baltza sariketako bigarren kanporaketa. 

Lagunarteko edo libreko saioak ere badira Muxikan, Sondikan, Astigarragan, Gasteizen eta Hernanin, besteak beste. Ekitaldi berri gisa, Real Sociedad Fundazioko egunean bertsoak izango dira aurten lehengengoz. Gaztetxoei begira antolatzen den eguna da.