Bertso agenda 2025-06-19

15 bertso ekitaldi San Joan aurreko asteburuan

Bertso plaza solstizio aurretik sartu da uda giroan eta 15 bertso ekitaldi izango ditu igandera bitartean. Herri eta auzoetako jaietan du orain presentziarik nabarmenena, motibo jakineko beste hainbat ekitaldiz osatuta. Gaur bertan bollo bertso poteoa izango da Burlatan, 19:30etan Kultur etxean hasita. Bertso poteoa izango da bihar ere Zarautzen. Ekainaren 20an bertan, mintzaldia eta bertso saioa Urepelen, 19:00etan: Bertsularitza eta emaztearen tokia bertsularitzan. Larunbatean hiru sariketa ezberdin izango dira: Zortziko Txiki Txapelketa Amallon, afari giroan eta auzoko jaien baitan; Argi Baltza gazte sariketako finala Muxikan eta Lehenengo Lauaxeta Bertso Saria Laukizen. Igandean jai giroko saioak nagusituko dira: Saioak Tolosan, Leaburun, Gorozikan, Izurtzan, Orozkon eta Larrabetzun. 

Datorren astean, astelehenetik hasita, egunero izango bertso ekitaldiak herriko jaiei lotuta. 

Agenda xehea, hemen Xenpelar Dokumentazio Zentrokoak bilduta.