Xabat Illarregi Marzol - Lauaxeta Gazte Sariko irabazlea 2025-06-25

«Plazan ez dugu aukera gehiegi izaten eta gustura kantatu dut adin bueltako bertsolariekin»

Jexux Mari Irazu

Xabat Illarregi bertsolari leitzarrak (2001) adierazi du bertsolari gazteek sariketaz kanpo ez dutela aukera gehiegi izaten elkarrekin kantatzeko eta alde horretatik gustura aritu zela adin bueltako kideekin kantuan Laukizen jokatu zen Lauaxeta Saria gazte sariketa berrian. Aitortu du ez zuela uste berriz gazte sariketa batean, besteak beste aspalditik hasi zuelako bide hori eta Nafarroako Txapelketan ere bidea egin duelako. Laugarren edizioa izango du aurtengoa eta Txapelketa Nagusian ere kantatu zuen 2022an. 

Plazan oso gustura eta pixkana neurria hartzen ari zaiola sentitzen du. Aurtengoa iaz baino urte apalgoa egokitu zaio saio aldetik baina naturaltasunez hartzen du eta dituen aukerak baliatzen saiatzen da. 

Udazkenean Nafarroako Txapelketa izango du Xabat Illarregik ere. Laugarren parte hartzea eta uste du, oraindik 24 urte izan arren, esperientzia hartzen ari dela formato horretan ere. Gustukoa du txapelketa eta gogotsu helduko dio.