“Santa Mañako alaba zinan” sortagatik 2025-07-07

Maddalen Arzallusek irabazi Basarri Saria

Jexux Mari irazu

Maddalen Arzallus Antia bertsolari hendaiarrak irabazi du 41. Basarri Bertsopaper lehiaketaren Santa Mañako alaba zinan lanagatik. Unai Muniain, Nahikari Gabilondo eta Andoni Egaña aurtengo sariaren epaimahaikideek honako hitz hauekin arrazoitu dute Arzallusen lana: “garai bateko amona baten bizimodua era xalo, hunkigarri eta sinesgarrian islatzen du bertso sortak, bere bilobaren ahotik. Naturari loturiko bizialdi bat era naturalean aurkeztu du. Garai hura entzun, ikusi, ukitu eta usaindu egin daiteke bertso hauek kantatzean. Eta horretarako erabili dituen neurri-doinuak ezin egokiagoak dira: zortziko handi klasiko bat”.

Aurtengo edizioan, guztira, 15 lan jaso dira, askotariko gaiak jorratu dituztenak. Antolakuntzak azpimarratu du 41 edizio hauetan, saria jasoko duen hirugarren emakumezkoa izango dela Arzallus. Aurretik, Ane Labakak eskuratu zuen 2012an, eta Alaitz Sarasolak, aldiz, 2014an. Basarri Sariko irabazleak 1.800 euroko saria du.

Sari banaketa Bertso Astean
Basarri Sariko sorta irabazlea Bertso Astean aurkezten da eta bertan izaten da sari banaketa. Uztailaren 11ean izango da, hain zuzen, bertso jarri emanaldiaren ekitaldiaren baitan, 22:00etan. 1.800 euroko saria jasoko du.