Bertsogintza moldeak 2025-07-29

Bakarkako pieza jarraituak finkatzen ari dira plazan

Azken urteotan bakarkako pieza jarraituak finaktzen ari dira plazan, gehienak zortziko txikian. Iruñeko Zaldiko Maldikon hasi zen haize berri honen zurrunbiloa: Josu Sanjurjo, Saioa Alkaiza... Beranduago, Sustrai Colinak eta Uxue Alberdik ere baliatu zuten plazan, besteak beste. Hasieran plaza bilduan abiatu zen molde berria baina plaza irekietan ere bidea egiten hasi zen handik gutxira.

Publikoak estimatu egiten du eta halaxe erakusten du txalotza luzeetan. Bertsolari gehiagok ere probatu dute azken boladan formatu jarraitua. Besteak beste, Maialen Lujanbiok eta Nerea Ibarzabalek Amallon, Zortziko Txiki Txapelketan; Amets Arzallusek Iruñeko Sanferminetan, Sarasate Pasealekuan egiten den jaialdian. Eta berriki, Nerea Ibarzabalek Alegian. Kasu honetan, kopla formatua baliatu zuen markina-xemeindarrak. Neurriaz eta doinuaz harago, funtsa pieza bakarreko sorkuntza da. Bertsolariak bat-bateko garapena egiten du eta entzuleak pieza oso bat jasotzen du entzunaldi bakarrean. 

Pieza bakarreko formatu jarraitua indarra hartzen ari den moldea den arren, oraindik ere nabarmen hiru bertsoko bertsoaldia da bakarkako formatu nagusia plazan.