Zarautzen, Modelo Aretoan 2025-09-01

Lizardiko finala ostiralean eta finalistak erabakita

Bertsolari Gazteen XLIX. Lizardi Sariko finala jokatuko da ostiral honetan Zarautzen, Motxian-Etxebeltz Bertsogunearen eskutik. Bi kanporaketa jokatuta, honako sei bertsolari ariko dira kantuan: Irati Alcantarilla, Elixabet Etxandi, Janire Arrizabalaga, Iker Ormazabal Tturko, Maddi Agirre eta Aimar Sorazu. Finala Modelo Aretoan jokatuko da 22:00etan Modelo aretoan. Sarrerak takillan aldez aurretik. 

16 bertsolari eta bi kanporaketa aurrez
Ohi bezala, Lizardi Sarian 16 bertsolarik hartu dute parte eta bi kanporaketa jokatu ziren joan den astean. Lehenbizikoan Elixabet Etxandi izpurarra nagusitu zen 209,5 punturekin. Berekin batean aritu ziren Iker Ormazabal Tturko (209), Maddi Agirre (209), Beñat Astiz (190), Amets Aizpurua (190), Malen Altzuart (188), Danel Herrarte (179,5).

Bigarren kanporaketan Irati Alcantarilla urruñarra gailendu zen, 217,5 punturekin. Ondotik sailkatu ziren, Janire Arrizabalaga (209,5), Aimar Sorazu (204,5), Irune Basagoiti (196,5) Eli Zaldua (196), Joanes Azpillaga (190), Igauri Lopetegi (180,5) eta Oibar Olano Azkonita (162,5).