bertso agenda 2025-09-08

Bertso jaialdiak gaur Lizartzan eta Zizurkilen

Jexux Mari Irazu

Irailaren 8 honetan bi bertso jaialdi izango dira, astelehenez. Lizartzan, Amets Arzallus, Andoni Egaña, Nerea Ibarzabal eta Maialen Lujanbio ariko dira kantari, Aimar Karrikak gaiak jarrita. Plazan 18:30etan. Gauean Zizurkilen behean izango da hitzordua, Elbarrena auzoan: Aroa Arrizubieta, Oihana Iguaran, Aissa Intxausti eta Aner Peritz ariko dira, Igotz Alkortak gaiak jarrita. Elizan, 20:00etan.

Goizean, Artean libreko saioa egin dute Onintza Enbeitak eta Aitor Etxebarriazarragak.