Larunbatean 21:00etan ETB1en 2025-09-17

Orozko eta Lakuntzako jaialdiak eta Xabier Amurizaren bertso jarriak Hitzetik Hortzeran

Erredakzioa

Lakuntza eta Orozkoko festetako jaialdietak bertsoak dakartza Hitzetik Hortzerako bigarren progaramak. Aner Peritz, Onintza Enbeita eta Saats Karasatorre aritu ziren Lakuntzan, Ibai Hernaiz eta Jasone Etxebestek gaiak jarrita. Orozkon, Jon Maia, Oihana Bartra eta Nerea Ibarzabal, Begoñe Olabarriak gidatuta. 



Bertso jarri musikatuak
Hitzetik Hortzerak aurtengo denboraldian ere bertso jarri musikatuak eskainituko ditu. Xabier Amurizaren Bertso Berriak Horma Zaharrei sorta izango da lehena. Eñaut Agirrek eta Ainhoa Sarasuak kantatuko dute, Manex Pagolak musikaz lagunduta. Xabier Amurizak sei urte egin zituen preso Zamorako apaiz-kartzelan eta etxanoarrak bertan jarritako sorta da. Espainian behera doinuari izena ematen dion bertsoak dira. Amurizak Zamorako apaiz kartzela horretan idatzi zituen bertsolaritzaren inguruko hainbat lan teoriko eta baita Hiztegi errimatua ere.



Ekhiñe Zapiain, bertso eskolen inguruko ikerketaz 
Hiztun berriak eta ez hain berriak Nafarroako Bertso Eskoletan izenburuko ikerketa ondu du Ekhiñe Zapiain ikertzaile eta bertsolari beratarrak Miren Artetxe eta Naroa Barrusorekin batera. Miren Artetxeren tesian solte geratu ziren hari mutur batzuk abiapuntu hartu zituzten eta Nafarroako Gobernuak bertsolaritza ikertzeko laguntzarekin hasi ziren ikerketa egiten. 


Nafarroako egoera soziolinguistikoan kokatu beharreko ikerketa da Ekhiñe Zapiain, Miren Artetxe eta Nora Barrusok egin dutena. Nafarroako bertso eskoletako ikasleen eta bertsolarien profilak zeintzuk diren azalduko du Ekhiñe Zapiainek larunbateko Hitzetik Hortzeran. Hizkuntza legitimitateari buruz arituko da, hizkuntzei dagokienean ditugun sinesmenei buruz eta hizkuntz ideologiak bertsolaritzan duen eragina zein den azalduko du ikerketaren ondorioekin batera.