Bertso eskolaren eskutik 2025-09-17

Aramaioko Kopla Txapelketa urriaren 17an

Aramaioko Kopla Txapelketaren VI. edizioa jokatuko da urriaren 17an. Zortzi bertsolari ariko dira kantuan eta bi saiotan banatuko da ekitaldia. Arratsaldean, 19:30etan, kalean egiten da lehen zatia kopla hutsean eta afalondoan bigarrena, koplak musikaz lagunduta. Aurten, Iturrieta sagardotegian izango da afaria. Zortzi bertsolari ariko dira kantuan: Sabin Abarrategi, Libe Goenaga, Ibai Amillategi, Oihana Bartra, Lide Arregi, Irati Alcantarilla, Jon Maia eta Oier Etxeberria. Bertso eskolak antolatzen du eta bertako kideak aritzen dira gai-jartzen.