Bertsularien Lagunak elkarteko egoitza berrian 2025-09-25

Xilaba Bertsolari Txapelketa asteartean aurkeztuko dute Uztaritzen

Bertsularien Lagunak Elkarteak datorren asteartean aurkeztuko du Xilaba Txapelketa, Uztaritzen, Elkartearen egoitza berrian. Bertsoa.eus-ek egun berean emango ditu xehetasunak. Aurrez, Bertsozale Elkarteak jada iragarriak ditu herrialde guztietako txapelketen hasiera eta bukaera datak. Xilaba azaroaren 8an hasiko da, Bidarten eta finala urtarrilaren 31n jokatuko da Donibane Lohitzunen. Parte hartzaileei dagokionez, Amets Arzallus egungo txapeldunak Hitzetik Hortzeran iragarri zuen ez duela Xilaban parte hartuko eta beste leku batetik lagunduko duela Xilaba. 

2021ean aurreko edizioa
Xilabako aurreko edizioa duela lau urte jokatu zen, pandemia betean. Amets Arzallusek eta Miren Artetxek jokatu zuten buruz burukoa. Odei Barroso gelditu zen hirugarren; Maddalen Arzallus laugarren, Patxi Iriart bosgarren eta Maddi Ane Txoperena seigarren. Sustrai Colinak ez zuen parte hartu.