Eñaut Agirre Goia - Bertsolari bertsozale podkasta 2025-09-26

«Bertso jarrien inguruko ikerketan eta lanketan egunak ez dituen orduak pasako nituzke»

Xan Alkhat

Eñaut Agirre Goia (Hernani, 1977) da Bertsolari Bertsozale podkasteko lehen gonbidatua. Bertsotan bat-batean aritua eta bertso jarrien inguruan ekarpen handia egiten ari dena, doinu eta bertsoen ikerketan, hainbat bertso plazaratzen eta herriz herriko emanaldietan, Unai Agirre anaiarekin batean. Biek Auskalo zeinek jarriak emanaldia ondu dute. Bertso jarrien inguruko ikerketa eta lanketa horretan «egunak ez dituen orduak» pasako lituzkeela dio Zaldibian bizi den hernaniarrak. Agirrek iritzi ausartak balioan jarri ditu eta eztabaidarako foroen beharra aldarrikatu du, «itoa» ikusten baitu egoera.