Nafarroako Bertsolari Txapelketa - lehen fasea 2025-10-20

Xabat Illarregi irabazle Iruritan

Xabat Illarregik irabazi du Nafarroako Txapelketako hirugarren saioa, orain arteko puntu gehien lortuta. Iruritako Gizarte Bilgunean jokatu zen larunbatean 180 bertsozaleren aurrean, aretota beteta zela. Sei bertsolari aritu ziren han kantuan, zozketak erabakitako ordenean: Amaia Elizagoien Varela, Julen Zelaieta Iriarte, Xabat Illarregi Marzol, Endika Legarra Nuin eta Patxi Castillo Graciarena, Ainhoa Larretxea gai-jartzailearen esanetara.

Honela geratu da saioko sailkapena:

1. Xabat Illarregi Marzol: 365,5
2. Endika Legarra Nuin: 349,5
3. Josu Sanjurjo Alzuri: 336
4. Julen Zelaieta Iriarte: 321
5. Amaia Elizagoien Varela: 320,5
6. Patxi Castillo Graciarena: 296,5

Heldu den igandean segituko du txapelketak, Los Arcosen jokatuko den lehenengo faseko laugarren eta azken saioarekin. Kultur Etxean izango da saioa, 17:30ean. Han ariko dira kantuan Ekain Alegre Gil, Joanes Illarregi Marzol, Kattin Madariaga Apaolaza, Mikel Lasarte Cia, Saioa Alkaiza Guallar eta Xabi Maia Etxeberria, Ander Aranburu Arriolak gai-jartzaileak gidatuta.