Maddalen Arzallus Antia - Pello Errota Sariketako irabazlea 2025-10-20

«Era honetako sariketek ekarpen polita egiten dute»

Maddalen Arzallusek adierazi du txapelketez kanpo ez dela sariketetan oso parte hartu zalea baina aitortu du Pello Errota bezalako sariketek ekarpen polita egiten dutela panorama orokorrean. Berak Xilabarako prestakuntza gisa hartu du batez ere, baina kantatu duen bi saioetan oso gustura sentitu dela azaldu du. Finalean, hasieran urduri samar somatu du bere burua eta pixkana lasaitzen joan da. Ariketen exigentzia maila ere azpimarratu du, lagunarteko giroarekin batera.