Aitor Etxebarriazarra Gabiola - Bizkaiko Txapeketa 2025-11-04

«Uste dut halako desgasterik bertsotan ez dudala sekula sentitu»

Aitor Etxebarriazarrak alde puntuazioan dezentearekin irabazi zuen domekan Bizkaiko bigarren finalaurrekoan. Gernikarra pozik zegoen egindako lanarekin eta baita taldekideen erakutsi duten mailarekin ere. Bereziki balioan jarri du lehen aldiz finalerdietan kantatu duten Enare Muniategi eta Maite Sarasolaren lana. Elkarrizketa bukaeran, askotan aipatzen ez den kontu bat ekarri du Etxebarriazarragak: txapelketako saio batek bertsolariarentzat suposatzen duen desgastea. «Hustuta eta energia barik» gelditu dela adierazi du. Bertsotan ez duela inoiz halako desgasterik sentitu. Lau-bost ordu luzeko finaletako desgastearen berri dakienak esan du hori. Gogotsu dago ordea Etxebarriazarraga eta trena noraino iristen den probatzeko gogoz dagoela adierazi du.