Xilaba bertsolari txapelketa - lehen fasea 2025-11-10

Maddi Ane Txoperena irabazle Xilabako lehen saioan

Maddi Ane Txoperenak irabazi zuen Xilabako lehen saioa larunbatean Bidarten, 340 punturekin. Bigarren fasean Txoperenak abenduaren 6an kantatuko du Aiherran.  150 bertsozale bildu dira Bidarteko Beheria antzokian txapelketako lehen saioa zuzenean jarraitzeko. Xalbat Alzugarai Etxeberri aritu gai-jartzaile lanetan. 

Hemen duzue saioko puntuaketa:

- Maddi Ane Txoperena___ 340 puntu
- Elixabet Etxandi________338
- Aitor Servier___________338
- Nahia Sasco___________311,5
- Karlos Aizpurua________310,5
- Oier Urreizti___________309,5


Heldu den larunbatean segituko du Xilabak Domintxaineko jokatuko den saioarekin, herriko gelan izango da saioa 17:00etan. Bertan arituko dira kantuan: Haira Aizpurua Ibargarai, Miren Artetxe Sarasola, Xermin Clamblong Mounein, Joanes Etxebarria Martinez, Haize Lekuona Blanco eta Josu Txoperena Iribarren, Amaiur Lujanbio Agirreren gidaritzarekin. Saio guztietarako sartzeak salgai daude www.bertsosarrerak.eus atarian.