Bermeon eta Markina-Xemeinen jokatuko dira 2025-11-10

Bizkaiko bigarren itzuliko bi taldeak erabakita

Erredakzioa

Bizkaiko Txapelketa azken txanpan sartu da eta erabakita gelditu dira finalaurrekoetako bigarren itzuliko saioak. Lehen itzulitik 12 bertsolari sailkatu dira bigarrengora eta bi itzulietako puntu batuketak erabakiko du finaleko zortzikotea. Bigarren itzuliko saioak Bermeon eta Markina-Xemeinen jokatuko dira. Hona hemen taldeak:

Azaroaren 15ean, Bermeoko Artza frontoian, 17:00etan:
        Aissa Intxausti Aburruza
        Aitor Bizkarra Ruiz
        Aitor Etxebarriazarraga Gabiola
        Ibai Amillategi Omaetxebarria 
        Onintza Enbeita Maguregi
        Unai Mendiburu Valor

Azaroaren 22an, Markina-Xemeingo Uni frontoian, 17:00etan:
    Gorka Pagonabarraga Agorria
    Imanol Uria Albizuri
    Jone Uria Albizuri
    Oihana Bartra Arenas
    Txaber Altube Sarrionandia
    Xabat Galletebeitia Abaroa

Lehen itzuliko saikapena eta puntuazioak
Lehen itzulian, lau bertsolari gelditu dira sailkapen-buru 650 punturen bueltan. Xabat Galletebeitia, Aitor Etxebarriazarraga, Aitor Bizkarra eta Jone Uria. Koxka bat beherago, Oihana Bartra eta Onintza Enbeita. Hortik atzera, 25 punturen bueltan daude sei bertsolari: Imanol Uria, Txaber Altube, Gorka Pagonabarraga, Unai Mendiburu, Aissa Intxausti eta Ibai Amillategi. Lehen multzoko lau bertsolariak hanka bat finalean dutela esan daiteke, deskalabro handirik ezean. Bartrak eta Enbeitak ere margin politarekin kantatuko dute bigarren itzulian. Zazpigarren eta zortzigarren posturako lehia estuagoa aurreikusten da eta hor Imanol Uria ageri da ondoen kokatuta.

1 Xabat Galletebeitia_______653
2 Aitor Etxebarriazarraga___651.50
3 Aitor Bizkarra___________649,5
4 Jone Uria______________649
5 Oihana Bartra__________629,5
6 Onintza Enbeita_________626
7 Imanol Uria____________615
8 Txaber Altube__________607,5
9 Gorka Pagonabarraga____604,5
10 Unai Mendiburu_______600
11 Aissa Intxausti_______594
12 Ibai Amillategi_______591,5