2.500 bildu ziren atzo Nafarroa Arenan 2025-11-30

Xabat Illarregik irabazi du Nafarroako Txapelketa, Joanes Ilarregirekin buruz burukoa jokatuta. Hirugarren Saioa Alkaiza gelditu da. Nafarroa Arenan. 2.500 bertsozaletik gora elkartu dira, zortzi bertsolarien lanari adi.
Zehazki, horrela gelditu da finaleko sailkapena (ariketaz ariketako puntuazioa, hemen):
1. Xabat Illarregi Marzol_____________1205
2. Joanes Illarregi Marzol_____________1198.5
3. Saioa Alkaiza Guallar______________732
4. Julio Soto Ezkurdia_________________724.5
5. Eneko Lazkoz Martinez______________709
6. Sarai Robles Vitas__________________695.5
7. Ekhiñe Zapiain Arlegi_______________666
8. Eki Mateorena Zozaia_______________637
Puntuazioan gauzak estu izan dira. Saioaren lehen zatia eginda, Xabat sartu da buruz-burukora lehen postuan, 5 punturen aldearekin Joanesekiko.
Gai-jartzaile lanetan Ainhoa Larretxea Agirre eta Ander Aranburu Arriola ibili dira. Zazpi epailez osatutako epaimahaia izan da bertsolarien lana epaitzeaz arduratu dena: Amaia Telletxea Larretxea, Cesar Etxeberria Saez, Jon Diaz de Mendibil, Joseba Beltza Bengoetxea, Mikel Beaumont Arizaleta, Nerea Bruño Artazkoz eta Patxi Barberena Urroz. Idazkari lanetan Ainhoa Goñi Castañares eta Nerea Goñi Begiristain aritu dira.
Hitzetik Hortzera berezia, bihar
Jarraipen handia izan du gaurko finalak; hainbat dira saioa zuzenean eman duten hedabideak, eta beste hainbat horren berri emateko akreditatu direnak. Hitzetik Hortzera telebista programak, esaterako, Nafarroako Bertsolari Txapelketako finalak emandako bertsoaldi onenak eta txapeldunaren hitzak bilduko ditu, bihar bertan, 15:00etan, ETB1n.
www.bertsoa.eus atariak, bestalde, finaleko bertsoaldien bideo hautaketa jasoko du, eta txapeldunari eta beste finalisteei egindako elkarrizketak ere argitaratuko ditu.
Nafarroako Bertsolari Txapelketa - Finala 2025-11-21
Jexux Mari Irazu
Aitor Bizkarra Ruiz - Bizkaiko Bertsolari txapelketa 2025-10-28
Nafarroako Txapelketa - Xabat Illarregi Marzol 2025-10-21
Jexux Mari irazu
Larunbatean 21:00etan ETB1en 2025-10-16
Ibai Amillategi Ormaetxebarria - Bizkaiko Txapelketa 2025-10-14
Jexux Mari irazu
Irune Basagoiti Agirre - Bizkaiko Txapelketa 2025-10-14
Jexux Mari Irazu