Zelaieta auditorioan, 18:00etan 2025-12-01

Bertsolari Gazteen BBK Sariketako finala ostegunean Zornotzan

Jexux Mari Irazu

Eguenean jokatuko da Bertsolari Gazteen XXXIII. BBK Sariketako finala Zornotzan, Zelaieta auditorioan, 18:00etan hasita. 10 bertsolari ariko dira kantuan, heldu eta gaztetxoen mailan.

Bertsolariak
18 urtez beherako multzoan, Etazetak eta Oizpeko pantolluk taldeak ariko dira bertsotan. Etazetak taldetik Emile Zabala, Ekhi Zuluaga eta Aiala Irurtia ariko dira kantuan. Oizpeko pantolluk taldean Malen Ibarzabal, Haizea Rotaetxe eta Jon Abasolo.

Helduen mailan, berriz, lau bertsolari ariko dira binaka finalean. Irune Basagoiti eta Maider Altuna ariko dira Zerobi taldean. Bizkaiko Kopla Gaztiek taldean berriz, Bittor Altube eta Janire Arrizabalaga dira kantuan.