Maddalen Arzallus Antia - Xilabako finalista 2026-01-26

«Aurten bereziki maitasunezko bide batetik lotzen naiz bertsoari eta finalari»

Maddalen Arzallusek (Hendaia, 1990) Xilabako bere bosgarren finalean kantatuko du larunbatean. Lan eginda eta prestatuta doala adierazi du, gogotsu eta bere buruari ere plazer ematera. Konplexurik gabe azaldua du «ahal bada, irabaztera» doala. Xilabako azken fasea zertxobait maldan gora egin zaiola adierazi du baina finalera indarberrituta doa. Aitortu du bertsoarekin nolabaiteko maitasun-gorroto harremana izatea gertatu zaioala azken urteetan eta aurten bereziki maitasunezko bide batetik lotu zaiola bertsoari eta finalari.